手執四條A 大摩惡晒有「哩」

猪拉多纳

　　香港經典一哩賽自99/00年馬季升格為本地一級賽後，大摩分別在03/04年馬季憑「勁闖」取勝，05/06年馬季以「新力升」奪標，換言之，佢已有七年未贏過此賽。

　　大摩今次手執「旗幟鮮明」、「威爾頓」、「步步友」及「風花雪月」四條A，隻隻夠實力，全部都係啱啱贏完，牌面已贏晒，有望一搔七年之癢，再次揚威四歲馬系列賽首關。

　　董事盃亦駐重兵

　　講真句，今次大摩唔淨只在第七場大舉興兵，第八場董事盃一樣虎視眈眈，又係出馬4件，計有「軍事出擊」、「多名利」、「花月春風」及「同個世界」，就算實力唔及得上「精彩日子」或「大運財」，實行以量取勝，如果兩匹主要對手有閃失，大有機會輪到。

　　另外，大摩搵得貝湯美嚟港客串，冇理由一啲表示都冇，唔通要佢白走一趟咩，應該唔會咁冇人情味。今日阿摩有4駒畀貝仔騎，除咗盃賽兩匹之外，仲有「得天獨厚」及「感恩」，前駒擺到明係韋達成人之美，唔通同場「皇仁勁駒」真係好啲咩，揀騎？唔係好信囉。Jack