悉尼雄心駁火做大騷

猪拉多纳

29/12/2011
文： 朱楓

今日澳職有場前列大戰，由「四哥」FC悉尼（下圖左）主場迎戰「阿二」墨爾本雄心。兩隊近況都好弗，當中悉尼今場更有艾馬頓擔任隊長，肯定加多兩錢肉緊，迎戰近乎夫添嘅雄心，朱楓首選1.85倍入球大！（有線64及204周四下午4:30直播）


雙方同樣4戰不敗


FC悉尼暫時以19分排第4，落後排第2嘅雄心2分，今場只要贏波就可以搶去對手「二哥」位置，加上近4戰不敗，戰意同狀態絕對唔使懷疑。陣容方面，雖然悉尼今場有隊長麥菲恩停賽，但教練拉維卡已任命老將艾馬頓為代隊長，絕對壓得到場，而且進攻核心歷克卡利、前鋒馬克布歷治同中場安東尼斯都有望復出，後防又有啱啱同球會續約2年嘅荷蘭後衞保斯查特鎮守，入波絕對冇問題。




另邊廂嘅墨爾本雄心近況亦唔嘢小，上場喺同市打吡勇挫墨爾本勝利後錄得4連勝，依家士氣同信心都勁到爆，何況今場好大機會有中場莊拿芬謝文奴復出，作客悉尼可謂勢均力敵，與其估邊隊贏，都係捧大會比較划算！