法比仔：若離巴塞必返「廠」

猪拉多纳

27/12/2011


今夏離開阿仙奴被視為「叛徙」嘅法比加斯，最近趁聖誕節氣氛和諧，似乎想修復同「廠迷」嘅關係，今晚唔止入場欣賞兵工廠主場對狼隊嘅賽事，仲賣口乖話假如有日離開巴塞，必定會重返阿仙奴！


今晚入場睇波打氣


因為喺巴塞出生同想捧更多盃，法比仔今夏離開阿仙奴轉會巴塞，不過佢近日接受訪問時話，自己其實仲好愛阿仙奴：「我好想同阿仙奴同雲格講一聲『多謝！』，我記得離開嗰日我差啲喊出嚟，我冇遇過一位好似雲格咁忠誠慈祥嘅領隊，喺我心目中佢係最好！」




據講今晚會重返酋長球場、為阿仙奴打氣嘅法比仔，更表示唔排除有朝一日會重返兵工廠：「如果有日離開巴塞，咁我一定係返阿仙奴，因為我好想返番酋長球場！」另外，雲格尋日重申會認真考慮重簽亨利嘅建議。