士砵亭葡盃大報復

猪拉多纳

22/12/2011
文： ComboKing

今晚有多場盃賽上演，阿King睇中葡萄牙盃八強士砵亭主場對馬里迪莫，牌面上無疑係葡超傳統「Big3」士砵亭秤先，但馬里迪莫踢盃賽好有鬥心，季初聯賽亦贏過士砵亭，唔可以太睇小，主W過熱唔抵玩，建議要入球大。（周五清晨5時開賽）


士砵亭主場已經九連勝，難怪主W被壓至只得1.35倍。不過要留意士砵亭今季主場唯一敗仗，就係領先情況下以二比三不敵馬里迪莫，令今仗存在暗湧。馬里迪莫除咗聯賽贏過士砵亭之外，上圈葡萄牙盃亦反勝老牌勁旅賓菲加，有遇強愈強特質。事實上，雙方近四次對壘有三次開大，大盤值得再追。


另一場葡萄牙盃八強奧利維倫斯主場對奧漢倫斯，客軍雖然係葡超球隊，但狀態低沉，上圈僅靠互射十二碼淘汰低級別球隊艾斯杜尼，今次未必咬到入甲組仔奧利維倫斯，寧揀入球細。另外，荷蘭盃十六強，乙組FC燕豪芬主場挑戰甲組維迪斯，荷蘭波一向多入球，直取大盤。