基達菲夠神化咪忽「略」

猪拉多纳

17/12/2011
文： 鄭少偉

過多一個星期就到聖誕，嚟到呢個時候唔少歐洲聯賽都會歇冬，西甲踢埋呢輪亦會收爐，象徵聯賽已踢咗一半。睇皇馬同巴塞喺榜首位置你追我趕自然刺激，但睇中下游嗰十幾隊為護級互相廝殺同樣過癮。好似今日場馬略卡對基達菲（上圖藍衫），雙方實力、排名咁高咁大，碰頭自然好睇過戲，「亨利」就撐基達菲開1.77倍「讓客」。（開賽時間：周日凌晨1:00）


馬略卡主場2戰不勝


西甲中下游依家可以用七國咁亂嚟形容，由排尾3嘅希杭到第9位嘅畢爾包，只係有4分差距，踢埋今輪隨時又大執位，一個唔覺意就會由中游位置跌落護級旋渦，所以嚟緊凡係同級球隊對撼．大家都要多加留意，戰情一定激烈，為搶分拚過你死我活！




「亨利」今日就揀馬略卡對基達菲同大家研究，其實小弟對基達菲有些少情意結，「地上最強」巴塞今季輸嗰第一場波，就係衰喺佢哋腳下。呢隊基達菲神起上嚟都幾得人驚，而且人腳唔差，好似皇馬借將柏度利安，同好波得嚟又擅射嘅射手米古，好難接受佢哋今季作客仲未開齋，今晚拜訪主場2戰不勝嘅馬略卡，話唔定可打破悶局，受讓值博！