馬爾斯菲靠主場優細

猪拉多纳

14/12/2011
文： ComboKing

英格蘭足總盃第二圈今日有場重賽，乙組仔馬爾斯菲主場對非聯賽奇兵燦斯福特，兩隊上次交手踢成一比一，馬爾斯菲表現唔算好，今場主勝熱唔透，唔多信得過，呢班波攻力一般，捧入球細最好！（now 671及672周四凌晨４時05分直播）


馬爾斯菲目前於乙組位列中游，今季踢落演出一般，早前於英足盃作客燦斯福特未見優勢，雙方最終打成平手，需要再踢多場。馬爾斯菲牌面睇級數較高，不過呢類低組別球隊始終難予人信心，今仗主勝有1.8倍，如果真係贏得，邊有咁好分吖？燦斯福特實力唔及對手，作客實會死守，現時細盤分頭唔錯，值得留意。

格拉茨博「大」霧鬥攻雅典

另外，歐霸盃Ｌ組奧地利格拉茨主場對希臘ＡＥＫ雅典，兩隊已經冇機會出線，今場只屬例行公事，不過雙方今屆整體表現麻麻，今次會為榮譽而戰，大家同樣放鬆心情作賽，大有機會鬥攻。兩軍防線本身唔多穩陣，相信會有唔少士哥，大盤值得捧場。


Ｌ組另一戰由比利時安德列治主場對俄羅斯莫斯科火車頭，安德列治分組賽五戰全勝，表現非常對辦，但對住莫斯科火車頭唔易踢，兩班波質素相差唔遠，預期戰情會頗為緊湊，估計冇乜交收，入球細玩得過。