科隆「宿命論」穩o趙緬恩斯

猪拉多纳

13/12/2011
文： Mic少

今晚有場德甲補賽，科隆主場對緬恩斯，呢場比賽原定於上月中舉行，但因為開波前球證企圖自殺而延期。不過老實講，無論安排任何時間踢，對賽果影響不大，因為雙方過去九次交手都由主場一方勝出，根據呢條定律，平手盤必捧科隆。（周三凌晨3時30分開賽）




或者有人會話比賽係逐場計，但數據絕對唔可以忽略，尤其係「靚績」更加密切留意，科隆同緬恩斯近九次對壘，當中包含德甲、德乙及德國盃，但都離唔開主隊必勝定律，而且已歷時長達六年幾，「宿命論」可提升主隊信心之餘，亦可打擊客軍氣勢。


普多斯基搏殺望入「廠」


科隆近五次聯賽主場贏四場，而且都係淨贏兩球或以上，極具說服力。另外，前鋒普多斯基（圖）早前公開話想出國搵食，心儀阿仙奴，因此近期特別落力，連續兩場聯賽都梅開二度，相信歇冬前佢仍會搏命為自己「拉票」，離隊傳聞反而對科隆有利。緬恩斯最大特色係遇強愈強，今季贏過利華古遜及拜仁慕尼黑，但對同級或弱隊反而冇料到，加上作客只曾一勝，更加唔信佢哋可以打破宿命。