皇馬冇C朗照開入球騷

猪拉多纳

07/12/2011
文： 走肖

歐聯D組大局已定，阿積士今晚喺主場對皇馬，主隊幾乎出硬線，皇馬亦篤定首名，當然係踢快樂足球最啱數。皇馬喺「國家打吡」前夕慣咗開入球騷，呢場追1.72倍大最好。（有線63及203周四凌晨3:45直播）


目前阿積士領先里昂3分，由於兩隊對賽成績相同，得失球差阿積士係+3、里昂係-4，就算阿積士對皇馬再輸，里昂對薩格勒布戴拿模都未必有本事大勝。再講，近兩次對賽阿積士對皇馬夾埋吞9蛋，難得對手今場玩留力，當然希望入番球，更加有利開入球大。

阿積士近8戰7場開大

雖然阿積士傷兵滿營，前鋒史基賀臣、中場施安迪莊、後衞奧查同保利臣都話唔踢得，但佢哋出名鍾意踢進攻足球，近8戰就有7場開入球大，當中有5場攻入4球㗎。

向15連勝紀錄進軍

皇馬為備戰星期六場「國家打吡」，王牌C朗、中場基迪拉、狄亞拉都冇隨軍，後衞沙治奧拉莫斯同門將卡斯拿斯去咗阿姆斯特丹亦多數唔踢，但依然有射手賓施馬、希古恩同中場卡卡助陣，對住食慣嘅阿積士唔憂冇波入，何況上季皇馬對巴塞前嘅比賽，4戰喪入13球有3次開入球大，加上有望追平球會史上最佳15連勝紀錄，梗係入波「大」過天！

橫數千軍

阿積士半場硬淨


‧上屆交手冇入球、失6球。

‧近10戰未試過半場落後。

皇馬連勝14場

‧連續5場開入球大。

‧近14場比賽全勝。