泰維斯同AC傾轉會條件

猪拉多纳

07/12/2011

曼城雪藏泰維斯多時，一直為佢搵緊新買家，據意大利傳媒報道，AC米蘭最有機會得到呢位阿根廷國腳，曼城方面已開綠燈，准許雙方洽談個人條件，泰維斯有望喺明年一月加盟AC。

拒哥連泰斯邀回巢

泰維斯早前因罷踢事件同領隊文仙尼決裂，目前正被曼城雪藏，佢即將離隊係公開秘密，問題只係去邊同幾時走。AC高層加利安尼表示：「曼城方面已批准我哋同泰維斯經理人傾條件，但佢依家仲係曼城球員，我唔方便講太多！」


據英國傳媒透露，巴甲出爐冠軍哥連泰斯已向泰維斯開出條件，但泰維斯唔想再返巴西，希望到意大利一試，所以AC成功羅致佢嘅機會頗大。