波圖非勝不可奮不顧「辛」

猪拉多纳

06/12/2011
文： 查理阿蛋

今晚歐聯G組上演生死戰，位列第3嘅波圖主場迎戰辛尼特，客軍暫時以1分壓住波圖，守和就出線，不過佢哋作客麻麻，前2仗都贏唔到兼失2球，波圖讓半一梗係捧上盤啦！（有線63及203周三凌晨3:45直播）


辛尼特作客唔掂


波圖嚟到歐聯表現雖然有所下滑，不過主場仍然有保證，上輪賽事作客2:0贏薩克達更令士氣大振，中場占士洛迪古斯表示：「前2場勝仗令我哋充滿信心，表現好咗好多！」波圖今仗必須全取3分先可以進身16強，今仗焗住要攻，加上王牌前鋒侯克近況大勇，上仗聯賽惡鬥布拉加就貢獻2個入球、1次助攻幫球隊贏波，今仗必定食住個勢再下一城。




辛尼特首循環雖然喺主場以3:1贏波圖，不過作客成績麻麻，近10場有8場都有失球，即使有倒戈嘅前波圖隊長般奴艾維斯壓陣，防線亦唔算穩健，相信好難再偷雞喇。