亨克主場硬淨唔怕「一哥」利華

猪拉多纳

06/12/2011
文： 亨格比利

話咁快歐聯分組賽就嚟到最後一輪，E組嘅利華古遜今晚會造訪亨克，力爭首名出線。講就容易，亨克出咗局冇晒包袱肯定踢得更放，加上呢支比利時球隊主場出擊勁硬淨，利華唔係咁易得逞，2.55倍「讓主」抵玩。（開賽時間：周三凌晨3:45）


利華古遜歐聯作客差


時隔7年再次躋身歐聯16強，E組「一哥」利華今晚只要砌低亨克就可以首名出線，不過佢哋喺今屆歐聯分組賽嘅兩場作客賽事都輸晒，目前又有門將艾達、翼鋒巴尼達同攻擊中場連拿度奧古士圖養緊傷，睇落唔似讓得起亨克。




雖然話亨克已經篤定出局，今仗亦只係例行公事，但由於班波近況幾曳，啱啱同會方續新約嘅教頭比恩就講明，希望藉今晚砌低利華振奮軍心，為周日鬥利亞斯場比甲造勢，鬥心似乎唔錯。況且亨克主場一啲都唔失禮，強如華倫西亞同車路士去到比利時都要失分而回，有鐵衞施馬耶斯傷愈復出嘅亨克有權保不敗。