巴塞歐聯前夕「特」別醒神

猪拉多纳

03/12/2011
文： 翁文成

上星期畀基達菲打破不敗金身，巴塞隆拿周中火速反彈大炒華歷簡奴，今晚再喺魯營出擊鬥利雲特有望贏多鑊勁。「地上最強」已經連續4次喺歐聯前夕大開殺戒，今晚睇嚟又係大屠殺之夜，就算讓到「-2」都冇有怕，照捧1.55倍「讓主」。（now632台周日凌晨3:00直播）


利雲特中場孖寶停賽


最近4次歐聯前夕，巴塞都喺西甲贏波贏盤大炒對手，當中3次開出「-2」盤都順利過關，咁好路梗要追啦！況且佢哋已經攞到歐聯H組首名出線，今晚根本冇晒包袱，中堅碧基上仗對華歷簡奴特登攞牌洗底，姑勿論佢最終會唔會被加刑，但就擺明當今仗對手利雲特冇到。




開季係威係勢嘅利雲特，最近終於打回原形，對上4場聯賽輸咗3場，今仗除咗有後衞維多利亞諾蘭奴右足踝受傷唔出得之外，一對已合力轟入8球嘅中場拍檔桑盧同巴卡路亦要坐波監，攻守實力都大大受損，想唔輸鑊勁都唔得啦！