富咸鬥川迪睇定食

猪拉多纳

01/12/2011
文： 樂比堅尼

歐霸盃K組分組賽，荷蘭川迪主場迎戰英格蘭嘅富咸。川迪早已取得出線權，今場可大踢風流波，而富咸贏波即出線，兩軍心態完全唔同，加上富咸領隊祖爾係「荷蘭通」，正所謂知己知彼，百戰百勝，樂比仔睇好富咸，捧「讓球客勝」！（有線61台及201台周五凌晨2時直播）




英超球隊踢歐霸向來得心應手，自歐霸盃成立以來，所有入到分組賽嘅英超球隊，最終都能夠出線，足證英超二線球隊喺歐洲二線盃賽絕對係超晒班，如果你問樂比仔英超二線球隊勁啲，定係荷甲一線球隊勁啲，樂比仔一定答英超，淨係睇英冠嘅伯明翰喺歐霸都可以也文也武就知啦！


富咸歐戰成績可靠


富咸今季英超成績麻麻，但表現其實唔差，喺歐洲戰場尤其突出，六場歐霸盃主場取得五勝一和，唯一贏唔到就係對川迪，不過該仗富咸形勢不俗，而且收起咗部分主力，今仗關乎出線，相信會踢得着緊啲，領隊祖爾來自荷蘭，教過多支荷蘭球會，球員時代亦踢過川迪，佢對川迪嘅認識肯定可令富咸有所得益。




同組另一場奧丹斯主場對克拉科夫，建議捧大盤，兩隊同得三分，和波對兩隊都冇着數，今仗肯定毫無保留喪攻對手，奧丹斯係性感足球支持者，四場分組賽有三場開大盤，上次交手奧丹斯作客贏三比一，今場開出大盤嘅可能性極高。