些路迪主場搏畀里睇

猪拉多纳

30/11/2011
文： 法比加輝

歐霸盃I組賽事，蘇超些路迪主場對西甲馬德里體育會。由於「綠白軍團」現時分別落後馬體會及烏甸尼斯兩分，餘下兩仗點都要贏番場先有價講，而今場係佢哋分組賽中最後一次主場賽事，料些路迪會趁機爭取三分！些路迪主場一向有料到，近八場未輸過，受讓值博。


（有線61及201台周四凌晨2時直播）


I組形勢緊湊，馬體會及烏甸尼斯均有七分在手，而些路迪就以五分排老三。基於些軍最後兩戰分別在主場對馬體會及作客鬥烏甸尼斯，所以點都要贏一場先有權出線，畀着你係領隊連儂，相信都會揀主場去爭W，因此佢哋先係主動一方。事實上，馬體會除已有七分在手之外，最後一戰又在主場對雷恩，搶分機會甚高，加輝認為馬體會今回和波已收貨。而馬體會有法卡奧隨隊出征可望復出。


其實馬體會經常因名牌效應而被莊家過分秤高，但只要睇吓佢哋嘅作客成績，就知道呢班波冇霸氣！馬體會近九場作客只係贏過一次，作客得勝率低得可憐，試問邊有資格讓波。反觀些路迪一向靠主場搵食，近八場六勝二和未輸過，故主場受讓絕對值博，加輝捧「讓球主勝」。