卡迪夫城強爆布力般

猪拉多纳

29/11/2011
文： RICHARD WELBING

今晚三場英聯盃八強戰，大家嘅焦點一定放喺車路士對利物浦、曼城對阿仙奴兩場大戰身上，不過從菠菜角度嚟睇，另一場由英冠嘅卡迪夫城主場對英超嘅布力般流浪更有投X價值。布力般內部問題千瘡百孔，加上要為護級而煩惱，冇餘力爭盃賽，卡迪夫城讓平半，建議捧上盤。（周三凌晨3時45分開賽）




來自威爾斯嘅英冠球隊卡迪夫城，近年都係升上英超嘅熱門球隊，今季佢哋表現同樣惹人好感，至今排英冠第三位，佢哋主場成績尤其突出，九戰取得六勝二和，以布力般近期嘅表現，遠征威爾斯難有把握獲勝。


布力般聯賽包尾冇心機


目前排英超包尾嘅布力般，軍心同士氣已陷入低谷，球隊已九場不勝，領隊堅恩民望甚低，連球迷都向佢柴台，亦得唔到球員嘅支持，睇嚟辭職只係遲早嘅事。布力般今季作客未嘗一勝，場場都有失波，防線極唔穩陣，莊家開卡迪夫城讓平半，足證對主隊充滿信心。