格雷特霍夫射手當旺抵博

猪拉多纳

28/11/2011
文： 走肖

今晚德乙上演「雙夫」大戰，由杜塞爾多夫主場對格雷特霍夫，兩隊近況差唔遠，不過杜塞爾多夫有王牌中場路斯拿停賽，冇咗佢喺前線壓陣，感覺好似讓半臂，相反格雷特霍夫射手奧斯恩連續5場入波，腳風勁順有機會帶挈球隊開1.75倍「讓球客勝」。（開賽時間：周二凌晨3:15）


杜塞爾多夫中場核心停賽


杜塞爾多夫今季能夠躋身前列，上年由1860慕尼黑加盟嘅中場路斯拿功勞最大，雖然佢已經34歲，但今季喺聯賽個人攻入9球、交出5次助攻，弊在佢因為積滿5張黃牌，今場要坐波監肯定缺陣，突然冇咗個中場揸弗人，你叫杜塞爾多夫去邊度搵人頂佢個位？就算開季後連盃賽攞到12勝5和都信唔過。




至於對家嘅格雷特霍夫，佢哋嘅加拿大射手奧斯恩腳風順到難以置信，連盃賽連續5場比賽有波入，現時格雷特霍夫落後對手2分，為免被拋離影響升班前途，呢場形勢上唔輸得，和波算係可以接受嘅戰果，加上格雷特霍夫係德乙最佳防守球隊，難得可以踢守勢波打反擊，受讓當然撐得過。