哈特斯菲爾德受讓歎「查」

猪拉多纳

28/11/2011
文： 朱楓

哈特斯菲爾德近排認真勁，雖然早前喺英格蘭足總盃第1圈出局，但聯賽已接近11個月未輸過，今晚喺英甲前列大戰作客查爾頓之前，仲借得兩名勁人幫拖，朱楓撐硬1.63倍「讓球客勝」！（開賽時間：周二凌晨3:45）




由前紐卡素球員李爾奇勒揸旗嘅哈特斯菲爾德，近排勁到爆，英甲跨季已43場未輸過，破咗森林喺英格蘭聯賽最長不敗紀錄。雖然今場起有前鋒阿倫李爾停賽3場，不過日前就成功借得英冠卡迪夫城箭頭柏堅頂替，仲借埋列斯聯中堅布魯士，加上目前英甲最炙手可熱射手、盛傳獲多間英超垂青嘅魯迪斯掛帥，人腳仲係好強。


查爾頓隊長打柴


榜首查爾頓上場延續強勢，作客1:0擊敗賓福特錄得6連勝，可惜隊長莊尼積遜剛戰整傷腿筋，賽後證實最快要到新年先復出，需知莊尼積遜喺今季英甲射入7球，今仗無論用昆士柏借將艾芬尼姆或普雷斯頓借將羅素爾頂佢，都好難立即成為「keyman」，唔佗衰家已經執到。