多蒙特約埋史浩克做大騷

猪拉多纳

26/11/2011
文： 查理阿蛋

今晚德甲上演「魯爾地區打吡」，由復勇嘅多蒙特主場迎戰史浩克04，可惜「蜜蜂兵團」2大主將上仗勇戰受傷，未必可以延續強勢大炒對手，讓半一上盤唔算穩陣，寧博1.72倍「入球大」，博兩大射手羅拔利雲度夫斯基及亨特拉爾齊齊數胡！（有線61及64周六晚10:30直播）


馬里奧葛斯未必踢得


多蒙特上仗歐聯作客阿仙奴本來形勢大好，可惜先有中場施雲賓達下巴骨裂要長抖，進攻核心馬里奧葛斯亦被剷至膝傷，今仗未必會披甲，令小妹相當心痛！佢哋齊齊退下火線後，「蜜蜂兵團」組織力立刻大大削弱，埋下輸波伏線。好彩香川真司愈戰愈勇，主力射手羅拔利雲度夫斯基亦連續5場主場戰有波入，今仗雖然未必可以話贏就贏，但要入波絕對冇問題。




史浩克04除咗有魯爾踢呢場「魯爾地區打吡」，當然仲有化身「蝙蝠俠」嘅神射手亨特拉爾做入球機器啦！史浩克近6場作客未輸過，其中5場都有入球，中場賀治比更表示已經「等唔切」要踢呢場打吡，咁心急，今場一於齊齊入多幾球搞「大」佢啦！