馬會睇好川崎前鋒諾士郡

猪拉多纳

26/11/2011


今日搵咗一場日職及一場英甲同大家研究吓，先講日職，今季冠軍不離柏雷素爾、名古屋鯨魚或大阪飛腳，而且三隊已穩奪下屆亞冠盃資格，所以餘下兩輪唔少比賽都只係排名之爭，今日揀來嘅川崎前鋒主場鬥橫濱水手就係一場例行公事，普遍外國菠菜公司今仗主Ｗ賠率都有2.3倍或以上，但馬會卻刻意將主Ｗ壓低至2.15倍，似乎睇好主隊可繼上輪擊敗廣島三箭後，於主場再下一城。


諾士郡恰慣斯肯索普


另一場英甲諾士郡主場對斯肯索普，單計聯賽，諾士郡已經五場未贏過，不過今場馬會主Ｗ賠率卻熱至1.77倍，跟歐洲市場相比有明顯差異，相信跟對手斯肯索普聯賽三連敗有關，而且睇番諾士郡過去六次主場面對斯肯索普都能贏波，格食格之下難怪會被馬會熱捧。