史篤城布力般拳來腳往做大騷

猪拉多纳

26/11/2011
文： 張志德

足球賽事千變萬化，就算係低組別聯賽，都有其觀賞價值，老實講場場睇巴塞對皇馬，係呀有球星睇呀，但食得魚翅多都變粉絲啦，所以有時轉吓口味，睇實牙實齒嘅護級球隊對撼，都有另一番風味。




英超風格硬朗，弱旅比賽永冇欺場，特別係搶分大戰，球員更加如狼似虎，戰情肯定刺激到暈。如果你同細鬼一樣，鍾意拳來腳往嘅官能刺激，就要（目及）實今晚英超頭場，史篤城主場對布力般流浪。




（有線200及300台周六晚8時45分直播）


主隊後防曳 客軍搏命攻


史篤城限米煮限飯，人腳唔夠今季仲要兼顧歐霸賽事，季初都仲頂得住，但近期班波已攰到散晒，近六戰輸五場，要留意係場場開大，後防已冇之前咁嚴密，六場勁失十七球。布力般流浪現排尾二，十二場聯賽得七分，要成功護級未來場場都係決賽，佢哋近期已豁出去場場搶攻，近三戰有兩場踢成三比三，今場去到史篤城地頭，兩大神經刀必做大騷，捧大盤！




張志德：本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。