高原主場菲比尋常 利加大學Ｗ得

猪拉多纳

24/11/2011
文： Mic少

明早上演另一場南球盃四強首回合賽事，利加大學主場對沙士菲，厄瓜多爾球隊利加大學能夠喺南美洲賽事取得佳績，全靠有個高原主場幫手，客軍去到當地比賽，就如昆蟲跌入蜘蛛網，往往只能垂死掙扎。因此「利大」今屆賽事四次主場出擊全勝，1.65倍主W可以再追。 （有線61及201台周五早上8時15分直播）




利加大學主場位於厄瓜多爾首都基多，海拔高達2850米，其他「平地球隊」去到當地比賽，好快就索晒氣，任由「利大」宰割。利加大學多年來都靠高原氣候打天下，今屆南球盃四場主場全勝，但四場作客只有一勝一和二負，就係最好證明。




其中「利大」喺十六強先於主場贏另一支阿根廷球隊獨立隊二比○，次回合即使輸○比一都晉級，上圈主場贏利伯泰迪一比○，次回合以同樣比數落敗，但就憑互射十二碼勝出。根據呢個攤路，利加大學今仗應可先下一城。


沙士菲歎慢板要埋「半和」


事實上，沙士菲明白對手主場威力強大，今仗即使小負，亦可以接受，等次回合返回自己地頭仍然有得追。因此，預料沙士菲喺高原比賽，應會加強防守，歎慢板以免太早消耗過多體力導致大敗，起碼可以頂住半場不敗，如果嫌1.65倍主W回報低，可補埋2倍「半場和」。