阿仙奴 多蒙特大火併

猪拉多纳

23/11/2011
文： Mic少

歐聯F組最強戲碼，阿仙奴主場對多蒙特，「兵工廠」今仗贏波即可出線，以球隊近八戰七勝旺勢，當然要乘勝追擊，力爭提早晉級，然後專心踢英超。不過多蒙特亦當弗，絕對唔會坐以待斃，一場大火併在所難免。雙方弗爆射手尹佩斯及馬里奧葛斯勢必大鬥射術，入球大屬不二之選。（有線64及204台周四凌晨3時45分直播）


阿仙奴苦盡甘來，經過災難性開季後，近兩個月已全面回勇，於各項賽事近八仗取得七勝一和。兵工廠復甦大功臣必數尹佩斯，呢位荷蘭國腳入波多之餘，又可以為隊友製造機會，對對手防線有好大牽制作用，就好似C朗喺皇馬一樣，加上禾確特快放同艾朗藍斯後上攻門，都極具侵略性。領隊雲格自然識利用球隊優點強攻對手，爭取提早晉級後，將力量投放喺英超，打番入前四。


兵工廠攻力強毋庸置疑，但防線有隱憂，特別係中堅梅迪薩卡頻頻有甩漏，似乎已出現信心問題，面對多蒙特一眾年輕當打嘅鋒線球員隨時被放乾，失波可能性亦大。

多蒙特瀕出局實搏

多蒙特今季經歷同阿仙奴相似，都係出閘脫腳，現時已重上正軌，上仗聯賽更擊敗拜仁，「德國美斯」馬里奧葛斯又有士哥，不讓尹佩斯專美，而且多蒙特已瀕臨出局，相信會豁出去博一鋪。既然兩軍都求勝心切，可望提升入波機會，大盤有1.85倍抵玩。