西維爾抖足精神吔「包」

猪拉多纳

20/11/2011
文： 自由恒

每一次國際賽期之後，總覺得賭波唔可以用近績作依歸，畢竟事隔兩個星期，每隊波嘅傷兵問題可以完全唔同晒，教練亦夠晒時間執番好隊波，脫胎換骨絕對有可能，就好似國際賽期前表現麻麻嘅利華古遜，上周六凌晨响德甲就成功反彈。




今晚西維爾主場對畢爾包嘅西甲大戰，主隊近6戰夾埋先贏得1仗，早前喺自己地頭都要輸埋畀CF格蘭納達，同季初表現冇得比，反觀對家畢爾包經過開季嘅低潮期之後，就連續10場未輸過，國際賽期前仲要摸和巴塞，今仗作客受讓似乎好筍。


畢爾包兩大主力停賽


可惜畢爾包今場陣容都幾唔完整，首先係中場伊度拉斯比同中堅阿武列比達都要停賽，守將保查伊基沙亦因傷避戰，前鋒洛蘭迪早前又要隨國家隊遠征哥斯達黎加，體力未必及時恢復。對手西維爾雖然都有翼鋒捷西斯拿華斯踢完國家隊比賽，但就有季初Fit爆嘅射手尼格度傷愈復出，簡路迪亦抖夠隨時候命，可望解決近期火力不足問題，主W有1.85倍抵玩到震。（now632及660台周一凌晨1:00直播）


足球重心：西維爾（主勝）


馬膽推介：6場2 XX繽紛




上仗負重磅兼要喺不利內欄角逐，先至搞到連續8場不敗身被打破，今仗條件賽唔使再讓磅，相信「小橋流水」同埋「富貴金龍」冇得再偷雞喇。