切塞納守齋 驚喜不再

猪拉多纳

20/11/2011
文： 巨高

前幾日同名家壁虎傾閒偈，忽然講起人類最正斗發明。其實類似題目喺網上討論區都有唔少人提出過，原子彈、智能手機、電腦、汽車都係熱門選擇。至於巨高就揀咗冷氣機。幾乎所有現代化地區都有冷氣設備，無論你坐車、行公司、食飯都好，你都避唔開冷氣機。如果突然之間冇晒冷氣機，相信現今九成建築物都推倒重建。至於壁虎就話污水處理先係偉大發明，全球六十幾億人，假設每人每日去一次廁所而唔處理的話，排泄物唔知埋滿幾多個維園球場，你話幾核突呢！


捧博洛尼亞主Ｗ


周日意甲早場由博洛尼亞主場對切塞納，上季切塞納成日畀到球迷驚喜，可惜一季之後驚喜不再，踢過十場聯賽仍然「守齋」。博洛尼亞開始回勇，主場贏波機高，捧主Ｗ。（周日晚7時30分開賽）