黃金聯鬥雄心「大」手交易

猪拉多纳

18/11/2011
文： Kit

我知有朋友周末唔係落吧就係出街，一個月可能得兩晚會留喺屋企欣賞英超，如果要申請月費計劃，計落條數又真係唔多划算！不過新推出嘅英超按日自選服務，正好畀平時唔鍾意屈喺屋企、但咁啱撞正無街去又睇英超大戰嘅你，以一個相宜價錢隨時睇英超！有得揀，你先係老闆。


連開4場大博冧莊


不過澳職就唔使揀，只要逢星期五下午扭開球彩台，就實可以睇得到！今周已經係第7輪賽事，其中黃金海岸聯主場迎戰墨爾本雄心，Kit就睇好2.1倍入球大。（有線64、204周五下午5:00直播）




近排啲澳職賽事誰勝誰負仍然難捉摸，連獅吼呢把最鋒利嘅刀都有生銹嘅一日，上星期畀鳳凰仔逼和連累唔少球迷！事實上澳職主客和真係好難揀，至今上下盤路都只係一半半。




正如上輪明明係噴射機實力較佳，又畀立民賽前講中雄心贏波，但佢嘅推論係因為「雄心唔想包尾，所以會贏」，呢個理據都相當無厘頭，試問有邊班波想包尾？所以澳職至今仍然係充滿問號！不過墨爾本雄心上星期踢順番，費列特同貝軒治都入世界波，相信呢股信心同腳風可能持續到今個星期！




至於黃金海岸聯，話就話今日有主場之利，但佢哋每次嘅入場球迷我諗都少過本地波傑志。今季阿德萊德聯已經夠差，但佢哋上星期都會輸波，有占士布朗都難單天保至尊！既然佢哋已經連開4場大，今日就博佢哋冧多次莊啦！


KIT推介：黃金海岸聯（入球大）


有線球彩台主持KIT

電郵：soccer64@cabletv.com.hk PHONE波熱線：1831 678

「球盤龍門陣」開放時間：周五晚10:30至周六凌晨0:00