救命波明搶哥列迪巴

猪拉多纳

17/11/2011
文： 樂比堅尼

明早三場巴甲，樂比仔睇過度過唔算特別好路，如果要揀以明尼路主場對哥列迪巴較值得留意，因為明尼路要全力護級，以佢哋近期主場氣勢，加上對賽往績食住對手，今仗可睇高一線，明尼路讓平半上盤值得捧場。




（周五早上6時30分開賽）


明尼路往績贏晒


今季巴甲形勢非常混亂，剩番最後四輪，多個戰場都仲未明朗，唔只冠軍要爭，南美自由盃入場券要爭，連護級都爭崩頭，樂比仔一向認為周中開快車一向利主隊，所以決定向護級嘅明尼路投以信任一票。




未計算周四早上賽果，明尼路目前排尾六，多尾四嘅施亞拉四分，護級仲未穩陣，不過球隊自從八月由古卡領軍後，成績一直穩步上揚，尤其係主場已三連勝，包括擊敗甘美奧、山度士及彭美拉斯等傳統勁旅，可見實力一啲都唔簡單。




睇番兩軍對賽成績，明尼路取得一面倒優勢，近五次主場均贏哥列迪巴，值得留意係五場波都係贏一粒，所以除上盤外，3.75倍嘅「讓球和」亦值得留意。




另一場法林明高主場對費古倫斯，兩隊都仲有機會爭冠軍，亦要爭前四名取得南美自由盃入場券，和波對兩隊冇着數，所以一定會爭取主動，預計入波多可捧大盤，進取啲可捧埋3.9倍客勝！