哥連泰斯乘勇o趙埋施亞拉

猪拉多纳

16/11/2011
文： 朱楓

哥連泰斯上仗成功反彈，阿祖安奴仲傷愈復出，反觀施亞拉上仗輸波跌落降班區，信心陷入谷底。足智彩今場開平手盤，朱楓撐哥連泰斯坐走望贏！


（開賽時間：周四早上7:50）


哥連泰斯前仗聯賽作客以1:2不敵阿美利加明尼路，好在去戰佢哋知恥近乎勇，主場2:1擊敗帕拉尼恩斯。其實哥連泰斯近排傷兵唔少，上仗對帕拉尼恩斯，前鋒韋利安高美斯帶傷上陣，阿祖安奴狀態不足都照樣披甲，不過佢哋最終都全取3分，難怪教練泰迪大讚班兵鬥志勁頑強啦！哥連泰斯今仗仲有右閘阿歷辛度莫利刑滿，夠殺啦！


施亞拉日前主場對山度士，喺領先下倒輸2:3，唔止近6戰5敗，賽後仲跌落降班區，都咪話唔打擊士氣，今場對住矢志爭標嘅哥連泰斯，想中止頹勢唔易！