柏雷素爾托弗風騷添食

猪拉多纳

16/11/2011
文： Combo King

天皇盃第三圈今日十五場開打，阿King當然搵到好嘢，其中「日職一哥」柏雷素爾主場迎戰甲府風林，直取主W！柏軍五連勝弗到漏，狀態勇極撳都撳唔住，最重要係風林有王牌射手夏雲拿缺陣，戰鬥力銳減下唔夠砌，柏雷素爾今場捧主W穩陣。


（周三晚6時開賽）


目前日職爭霸進入直路，柏雷素爾以兩分壓住大阪飛腳高踞榜首，雖然聯賽爭標一分都不能少，但日本球隊夠正氣，尤其係柏雷素爾近十場聯賽主場出擊贏足九場，威力咁強係信心保證。對手風林「萬人迷」夏雲拿今仗出唔到，大大影響球隊競爭力，今仗捧主勝外，大盤亦諗得過。

不死鳥飛擒山神

另一戰山形山神主場鬥乙組京都不死鳥，不死鳥季尾六連勝狀態托弗，佢哋冇得爭升班可專注踢天皇盃。山神已篤定降班，呢班波根本只有日乙級數，今次主場都讓唔起對手，要「讓球客勝」。之後再捧埋東京綠茵「讓球客勝」，佢哋作客浦和紅鑽，論實力級數當然係後者較佳，但現時紅鑽僅與降班區只有兩分距離，邊有心力兼顧盃賽先？今場捧「讓球客勝」！