塞爾維亞熱血洪心

猪拉多纳

14/11/2011
文： 法比加輝

明早有場國際熱身賽，洪都拉斯主場對塞爾維亞，主隊為免勞師動眾，今場冇乜徵召海外兵返國比賽，實力難免打折扣。反觀塞爾維亞雖有尼曼查維迪及史坦高域等名將退出，但人腳質素始終高於主隊，只要發揮正常，塞軍依然值得睇高一線。




（周二早上9時30分開賽）


洪都拉斯冇召英倫兵


洪都拉斯足總今次可以話放「英超兵」大假，皆因一眾在英格蘭搵食嘅主力如柏拉西奧斯及美羅費古羅亞等，全部獲准休息，唔使踢「太公波」，就連在英冠打滾嘅雷蒙紐尼斯都可以免戰，所以洪都拉斯今次主要以「土炮」應戰，級數自然打折扣。




相反，塞爾維亞點兵就認真得多，大部分海外兵都有份隨隊，包括卡錫、施積及伊雲洛域等，單論牌面一定係佢哋較高。




由於塞軍剛經歷歐國盃出局痛楚，球隊急需一場勝仗去重拾信心，並且選定人腳作出重建，因此加輝認為入選嘅球員，為咗國際賽前途及面子，今場亦唔會揸流攤，老實講只要正常發揮，要贏唔齊腳嘅洪都拉斯並唔困難，建議捧客W。