土耳其布下天「羅地」網

猪拉多纳

11/11/2011

土耳其同克羅地亞，今晚爆發08年歐國盃8強翻版戰。土耳其賽前大派波飛造勢，加上有名帥希丁克指揮，料可輕取傷兵滿營嘅克羅地亞，讓平半梗要2倍上盤！


（廣東體育周六凌晨3:05直播）

克羅地亞傷兵滿營

喺08年歐國盃8強曾戲劇性淘汰克羅地亞嘅土耳其，為打擊暴力球迷，賽前狂派免費波飛畀婦孺，希望佢哋全心全意為球隊打氣。雖然土耳其喺分組賽表現一般，但嚟到今晚可能會脫胎換骨，事關領隊希丁克以往曾帶領多支球隊喺大賽爆發，有指佢今場會打4321陣式，搵大勇前鋒爾馬斯打單箭頭，隨時收到奇效。


克羅地亞今仗有前鋒柏歷同中場卡蘭積卡兩大主力因傷冇入選，里昂後衞洛夫雲啱啱又退隊，靠莫迪歷單天保至尊唔似有運行。