費倫斯8戰不勝難殺「迪」

猪拉多纳

09/11/2011
文： 郭球奇

今晚葡聯盃上演第2圈次回合，嚟自葡甲嘅樸迪莫倫斯會作客越級挑戰葡超代表費倫斯。雖話費倫斯比對手高一個級別，但近況實在太曳，要爭出線，不如留力聯賽護級好過，球奇睇好樸迪莫倫斯今場至少可保不敗，開出1.95倍「讓球客勝」！（開賽時間：周四凌晨0:00）




首回合費倫斯作客樸迪莫倫斯，結果以0:1落敗，想出線今場非勝不可，但如願機會唔大，事關費倫斯近況曳到爆，日前作客不敵比拉馬後，連同盃賽已累積8場不勝，開季至今只係贏過1場咁大把，暫時喺葡超包艇，試問仲邊有心情爭盃仔？


樸迪莫倫斯上圈次名出線


上季仲打緊葡超嘅樸迪莫倫斯，雖然今季跌落葡甲都冇乜起色，暫時排榜尾，但近況至少比費倫斯好，對上6場得2勝1和3負，再加上之前喺第1圈分組賽，假假哋都以C組次名出線，第2圈首回合主場又贏費倫斯，戰意唔係太差，受讓絕對博得過！