巴塞踢盃仔隨時留力

猪拉多纳

06/11/2011
文： 力奇

下周末又輪到國際賽期，嚟緊周中難免靜英英得堆二、三線悶波孭飛，英錦標冇乜吸引力，較受人關注應該係「地上最強」巴塞會喺周三晚嘅西班牙盃出訪低組別嘅賀斯比圖勒，記得小心睇緊佢哋個出場陣容，小心誤中副車。




講實力分析，話你知巴塞有幾勁，力奇都覺得嘥氣，反而係要提提大家，要睇清楚佢哋有邊啲國腳被徵召踢國際賽。巴西之前點兵已經揀咗丹尼爾同艾迪安奴等，只係西班牙家陣仲未點兵，韋拿同沙維呢啲國腳有冇假放就未知。況且就算佢哋同恩尼斯達唔使踢太公波，主帥哥迪奧拿會唔會用小將踢西盃又係未知，講到底留意住我哋跟進先好出擊，咪買完嗌後悔！




至於巴西出訪加蓬踢熱身賽，今次森巴兵領隊文奴文尼斯就齋揀外流兵，即係冇尼馬份囉！就算卡卡因傷未能夠喺國際賽復出，都仲有侯克同法比奧達施華等要搏盡求上位，鬥志唔差，可以提早入番多少貨。