超級馬里奧弗爆拜仁大炒「格」

猪拉多纳

06/11/2011
文： 查理阿蛋

今晚德甲「一哥」拜仁慕尼黑作客護級分子奧格斯堡，即使球隊大腦舒韋恩史迪加缺陣都冇有怕，全因急速冒起嘅卻奧斯有力代替「小豬」，成為拜仁嘅後備發電機；加上「超級馬里奧」馬里奧高美斯弗爆，小妹真係一啲都唔擔心，1.45倍「讓客」趁熱食！（有線61、64及204周一凌晨0:30直播）




舒韋恩史迪加喺拜仁嘅重要性毋庸置疑，正如馬里奧高美斯話齋：「小豬係我哋嘅中場指揮官，冇咗佢，球隊嘅節奏會亂晒！」不過大家唔使驚，因為小妹一直睇好嘅卻奧斯絕對有力頂替中場大腦嘅位置。只得21歲嘅卻奧斯今季因為洛賓長期養傷而得到正選位置，表現大獲Fans好評之餘，仲畀教練軒歷基斯讚佢係「瑰寶」，難怪佢自己都話唔擔心洛賓傷愈會冇正選。


奧格斯堡前線啞火


「小豬」已經做咗手術，要抖6個禮拜，小妹相信佢嘅好隊友會踢好波，等「小豬」可以安心養傷。主隊奧格斯堡係今季德甲到目前為止入球最少嘅球隊，11輪比賽得8球進帳，同火力最強、已經攻入30球嘅拜仁差天共地。今場一於等「超級馬里奧」再演入球騷，教吓啞火嘅奧格斯堡點入波啦！