惡霸雷丁明恰阿「伯」

猪拉多纳

06/11/2011
文： Katie

封塵多年嘅回鄉卡終於有用武之地，Katie最近跟班Friends上去Gel甲、揼骨，仲去咗東門Shopping添，發覺上面啲嘢真係平靚正。就講iPhone保護貼吖，幫你貼埋都只係收5蚊人仔，喺香港閒閒哋都幾十蚊啦，抵到爛呀！




唔只喺東門搵到好嘢，Katie做完功課仲搵到場好波推介畀大家。今晚英冠雷丁主場鬥伯明翰，齋睇近況同牌面當然以伯明翰秤先，之不過小妹就鍾意雷丁喎，始終伯明翰周中先搏完歐霸盃，英冠球隊兵源可以有幾雄厚先？況且雷丁近4仗主場保持不敗，當中仲喺修咸頓身上搶到分添，加上翼鋒占美基比又傷愈復出，咁齊腳都係小讓平半，Katie就撐雷丁個1.88倍上盤嘞。




Katie推介 雷丁（上盤）




外國長大，半個鬼妹仔，自細因爸爸成日帶朋友返屋企睇波而愛上足球，鍾意睇靚仔但唔會盲目追捧，最緊要係好波。