FC岐阜唔大唔舒服

猪拉多纳

06/11/2011
文： ComboKing

日乙進入最後直路，榜首幾隊鬥志好，當然可以留意，但有隊銀行隊更值得跟進，FC岐阜近期瘋狂開大，中門大開任人入，今次作客岡山綠雉相信會再次上演入球騷，大盤值得捧場！（周日中午12時開賽）




FC岐阜踢到季尾冇晒包袱，索性只攻不守，近期踢出多場精彩入球騷，包括上輪主場同鳥棲砂岩打成四比四，反映球隊攻力絕對唔弱，但防守真係唔多掂，正因為佢哋攻強守弱，所以成為大盤客愛隊。岡山綠雉本身踢法唔算好進取，但對住岐阜恐怕都會被辣着，現時大盤分頭唔算太差，值得留意。


市原繼續捱細界


同日鳥棲砂岩主場對FC橫濱，砂岩目前位居次席，但仲未肯定取得升班席位，大軍上場意外失分，今次真係唔衰得。橫濱踢到季尾又係完全不設防，作客表現唔掂，預期呢場都會有唔少入波，入球大都幾穩陣。另外，大分三神主場對千葉市原，市原愈踢愈衰，對上四場都冇入波，今場可留意細盤。