畢爾包又同巴塞死過

猪拉多纳

06/11/2011
文： 法比加輝

另一場西甲大戰，畢爾包會在主場迎戰巴塞隆拿。主隊係其中一支近年能在「地上最強」身上取分嘅球隊，近三次對賽曾兩和巴塞，證明畢爾包都算擅打老虎！再者畢爾包近期夠韌力，已經保持咗九場不敗，巴塞作客肯定會受到一定考驗，加輝建議投X者買晒讓球主勝及讓球和，自製球半下盤。




（now 632及660周一凌晨3時直播）




畢爾包近季之所以能在巴塞身上取分，個人認為係佢哋當正巴塞係普通貨色，照樣鬥搶鬥攻，拚勁搭夠，輸人唔輸陣！所以近三次對賽中有兩次踢和「地上最強」，而最近一次亦只係僅負一球，表現令人拍爛手掌。


自製球半下盤玩得過


值得一提係，畢爾包面對巴塞好多時都頂到半場唔失波，尤其係擁主場嘅時候，巴塞近五次作客畢爾包，上半場零「士哥」，故信攤路嘅朋友，今場大可向半場和埋手。不過加輝就建議均注買晒3.9倍「讓球主勝」及3.85倍「讓球和」，只要主隊唔輸多過一球都收錢。