飛腳獵鹿大翻身

猪拉多纳

03/11/2011
文： 蘇豪

戰至最後衝刺階段，大阪飛腳近四場聯賽兩勝兩負，被柏雷素爾殺上榜首。飛腳上輪發火，作客山形山神大勝五比○，目前落後柏軍兩分，為免被甩開，今戰非勝不可。大軍擁有李根鎬及拉芬夏等星級射手，今季於聯賽轟入七十一球，火力不成問題，獨忌後防甩漏多，可勝不穩。




鹿島鹿角剛戰勝浦和紅鑽捧走聯賽盃冠軍，到底仲有冇心機踢聯賽呢？鹿角屬日職名牌球隊，今季戰績甚曳，唔少球迷已經拍枱拍櫈，相信唔敢Hea踢。大軍亦有田代有三及大迫勇也等優質前鋒，反擊力甚強，加上首循環主場對飛腳大敗一比四，今次實想報仇，兩隊鬥攻捧大！


鯨魚櫻花「大」火併


同日「三哥」名古屋鯨魚主場對大阪櫻花，鯨魚中場貝辛奴域突然離隊，另一大將丹尼臣哥度巴要坐波監，戰鬥力必打折扣，不過鯨魚前線尚有約舒亞堅尼地同玉田圭司攻堅。今次對住神經刀櫻花，鯨魚贏唔贏到好難講，但預期雙方會合演入球騷，要大盤！