曼聯糟質歐聯新丁振士氣

猪拉多纳

02/11/2011
文： 亨格比利

曼聯重拾霸氣機會嚟嘞！身處歐聯C組嘅紅魔喺主場恭候羅馬尼亞嘅加拉治，雙方實力差天共地，之前喺「曼市打吡」大敗嘅紅魔，要大炒呢支「歐聯新丁」振士氣冇難度，「-2」放心捧1.8倍「讓球主勝」。（有線64及204周四凌晨3:45直播）

朗尼對愛華頓一戰搏到抽筋，今晚休戰絕對唔奇，之不過曼聯前線猛將多的是，查維亞靴南迪斯、韋碧克、貝碧托夫甚至奧雲都夠晒資格擔正，所以亨格比利一啲都唔擔心紅魔鋒力。係，雖然守將基斯史摩寧、中場湯卡華利同艾舒利楊格打柴，傑斯、卡域克又未必踢，但費爵爺仲有法比奧達施華同華倫西亞呢啲戰將可用，尤其喺「曼市打吡」賴大鑊嘅里奧會頂替停賽嘅維迪擔正，佢今鋪點都要爭氣 省招牌。


加拉治搞作多 贊助球迷爬山


嚟自羅馬尼亞嘅加拉治，最近贊助咗1位叫賓迪利爾嘅球迷爬山，呢位仁兄成功征服全球第6高、位處喜馬拉雅山嘅卓奧友峰，仲喺山頂高舉加拉治旗幟添，總算冇丟球會架。不過呢支「歐聯新丁」嘅戰績就令Fans相當失望，家陣經歷12場聯賽之後入得11球排第8，狀態比上季簡直係差天共地。

目前加拉治喺C組3戰全敗包艇，歐聯幾近Game Over，中堅比倫迪查要坐波監，防中艾安菲利普腳傷缺陣，就連左閘沙拉基安奴都話膝部有傷要紮住上，既然上輪分組賽主場都淨吞曼聯兩蛋，今晚殘陣加上作客照計會輸得更甘