曼聯打真軍勢炒加拉治

猪拉多纳

02/11/2011
文： 麥馬拿仁

曼聯打真軍，加拉治又點頂得住？歐聯C組分組賽，紅魔鬼主場迎戰羅馬尼亞加拉治，為爭首名出線權，曼聯領隊費格遜話明非勝不可，會出夫添迎敵，朗尼、查維亞靴南迪斯等將正選披甲。上屆分組賽第四輪，「認真」曼聯就三球大數貝沙，今仗炒味濃，「讓球主客和」讓兩球照捧「讓球主勝」！
（有線64及204台周四凌晨3時45分直播）


爭首名主場出番強陣


C組有巴素利同加拉治，費Sir根本睇唔起佢哋，對上三場分組賽練兵咁練，周時以強陣踢聯賽、弱陣打歐聯，明眼人都知老費希望第三、四輪兩鬥加拉治全取六分，已可打好晉級根基。老費講明，今仗會以上仗英超擊敗愛華頓嘅陣容做骨幹，只要唔再玩嘢出二線兵敷衍，人腳齊整大勝有保證。

老費話，今場一定要贏，佢希望手執八分，下輪主場贏埋同組最強嘅賓菲加，應可取得首名出線權，避過巴塞、皇馬同拜仁等勁旅，所以今戰曼聯戰意毋庸置疑。事實上，曼聯上季就有辦你睇，喺同組對手不強下，首仗於格拉斯哥流浪腳下失分，之後僅小勝華倫西亞同貝沙，而到第四輪就大打真軍，作客都贏貝沙三粒，今場對住弱旅加拉治，仲要有主場之利，贏三球係最低消費！

事實上，曼聯早前喺英超大敗予死敵曼城，乜面都冇晒，球隊上下都想大勝一場洩憤，今次對手弱又出師有名，曼聯肯定𡁻得就𡁻。加拉治上仗有主場之利，全場死守都要輸兩粒畀曼聯，今場去到奧脫福好容易渣到冇，紅魔鬼力足大勝一場