魔獸擔正車仔搵亨克出氣

猪拉多纳

01/11/2011
文： 力奇

剛啱喺英超2連敗嘅車路士，今晚喺歐聯E組作客比利時嘅亨克，主帥保亞斯為求救「車」，肯定希望大炒對手振軍心，今鋪強陣出擊，唔難炒起實力差幾班嘅亨克，捧1.57倍「讓球客勝」！（有線63及203周三凌晨3:45直播）




係，車仔近3戰法定時間贏唔到波，狀態係麻麻哋，不過今仗對手只係亨克，雙方早兩周交手，車仔主場贏5粒，證明實力差距好大。咪忘記車仔今場只要贏波兼華倫失分的話，就可以提早出線，難怪保帥話會搏盡求勝，仲會派猛虎出柙嘅杜奧巴落場數胡。至於涉及種族歧視、表現患得患失嘅泰利唔踢，搵番伊雲洛域同大衞雷斯鎮守中路，條防線可能更穩添。




對家亨克依家只係排比甲第6位，上周末佢哋贏布魯日5:4表面精彩，實則條防線曳到爆，點頂住車仔吖？仲有，亨克今場會有正選中場普迪爾停賽，陣容不整，主場都信唔過。