巴塞大人恰細路「-2」冇問題

猪拉多纳

01/11/2011
文： 走肖

擔心柏度洛迪古斯傷咗？阿歷斯山齊士好番又點睇呀？柏辛域陀尼亞今晚喺歐聯H組主場再遇巴塞隆拿，輸波在所難免，兩隊2個星期前碰頭，柏辛域陀尼亞錄得「三零數據」，冇入球、冇射門、冇角球，基本反抗能力都冇，巴塞有A山隨隊復出「-2」照捧1.9倍「讓球客勝」！（有線64及204周三凌晨3:45直播）


柏辛域陀尼亞射門角球欠奉


今屆柏辛域陀尼亞淘汰洛辛堡同哥本哈根殺入分組賽，原本以為唔可以太睇小，可惜佢哋嘅隊長賀華夫已經36歲高齡，而且02年後冇再入選過捷克國家隊，加上次席射手尼斯克開季前又轉投安羅科薩斯，結果分組賽即刻現形，先後對AC米蘭同巴塞隆拿以0:2落敗，證明現時陣容完全唔夠砌。




睇番歐洲足協官網，上次交手柏辛域陀尼亞好似細路畀大人玩，全場入球、射門、角球乜都冇，越位都得1次，仲要本身嘅主場唔合規格要調去布拉格斯拉維亞嘅主場踢，形勢更凶險。更何況巴塞要同AC爭首名，21人大軍有齊美斯、韋拿、沙維、恩尼斯達同法比加斯，阿歷斯山齊士又傷愈隨隊，上齊架生夠條件開「讓球客勝」。