廠仔「大」戰馬賽W得

猪拉多纳

01/11/2011
文： KIT

到底係實力接近咗，定係今季英超勁旅後防差咗？每次大戰都有驚人戰果出現，上星期六晚車路士主場輸「客其他」夠晒轟動！雖則波係逐場計，不過阿仙奴剛啱拆完「車」，狀態同士氣都返晒嚟，今晚歐聯F組大戰，客軍馬賽睇怕難逃大敗，一於捧1.57倍主W同入球大！（有線61及201、中央5台周三凌晨3:45直播）




阿仙奴喺歐聯F組原本都唔易打，不過好彩多蒙特自我放棄，相信兵工廠只要餘下3場分組賽踢出水準，爭小組首名機會相當樂觀。


阿仙奴鋒線夠弗


上輪兵工廠作客馬賽狀態士氣仲未提升，多得馬賽最尾後防犯錯，先可以開W袋走3分。不過今時唔同往日，今晚阿仙奴喺主場酋長球場出戰，贏波決心肯定爆燈！除咗射手尹佩斯入波入到唔識停外，禾確特復出後都立即入局，前幾日跌低起身再射波入網，證明呢隻老鼠仔真係幾弗。只要另一攻擊主力謝雲奴生性啲，唔好斷送入波機會的話，小妹有信心兵工廠贏波冇難度！


馬賽博偷雞入波


當然，阿仙奴班後防真係麻麻哋，就算今晚中堅華美倫復出都唔幫得幾多，要條咁嘅防線夾着門將施捷斯尼，都唔知領隊雲格係想訓練佢成材定係畀機會佢表現自己！兵工廠火力係強，衰在今季後防明顯穿咗個大窿，馬賽嘅雷米、阿休唔係無偷雞入波機會。半夜三更，一於整場「大波」醒醒神啦！




有線球彩台主持KIT




電郵：soccer64@cabletv.com.hk PHONE波熱線：1831 678

「歐聯戰略館」開放時間：周二晚10:30至晚11:40