英超雙龍再襲歐聯

猪拉多纳

01/11/2011
文： 笛子波童

歐聯Ｆ組分組賽英超阿仙奴主場鬥法甲球隊馬賽，阿仙奴上場聯賽反勝車路士踢出今季代表作，全隊信心返晒嚟；馬賽上次主場都贏唔到兵工廠，擺到明技不如人，今次作客只能輸少當贏，波童捧1.57倍主Ｗ。




（有線61及201台周三凌晨3時45分直播）




阿仙奴、馬賽季初都曾陷入低潮期，不過大家近期都有回勇迹象。阿仙奴上周末作客於落後劣勢下反勝車路士，聯賽加盃賽已連贏五場，射手尹佩斯近三場英超個人射入七球，腳風順到不得了。馬賽雖然都能作客擊敗迪安，但球隊領先兩球下一度被追和，要幾經辛苦才在比賽末段再入波奠勝，氣勢上差咗一大截。


馬賽主場都唔夠砌


阿仙奴兩周前靠艾朗藍斯完前場入波，作客一比○險勝馬賽，其實阿仙奴嗰場表現唔係好，但馬賽卻未能把握機會置對手於死地，兩軍在個人質素及埋門能力上的確有距離。如今主客互調，阿仙奴氣勢及信心比當時更盛，馬賽想偷雞難度更高。