費倫天拿 「熱」食私房菜

猪拉多纳

30/10/2011
文： 郭球奇

費倫天拿近況沉到爆，據聞今晚意甲主場對熱拿亞再失分，教練米赫洛域就係咁先，好彩熱拿亞一向係佢哋主場嘅「私房菜」，再加上今場又有射手「基奴」復任正選，球奇睇好「紫百合」今晚可以贏波，吊住米帥條命，1.88倍主W要捧！




（now633台周日晚10:00直播）


費倫天拿 Vs 熱拿亞


一向被譽為爭標奇兵嘅費倫天拿，今季竟愈踢愈差，周中作客不敵祖雲達斯1:2後，仲累積5場不勝，跌落第13位，據聞期望「紫百合」入前4殺入歐聯嘅費倫班主之一迪拉華利已經唔係好耐煩，打算將教練米赫洛域嘅命運，決定喺今晚主場對熱拿亞場波。


米赫洛域再輸即炒


老實講，其費費倫上場對祖記表現已有改善，一度扳平1:1，當中傷愈後備出場嘅基拿甸奴表現唔錯，消息指米帥今晚決定孤注一擲，派呢位意大利射手，夥拍今季全隊表現最對辦、已經入咗5球嘅黑山「魔術師」祖維迪一齊擔正攻堅，索性藉住中場比哈美停賽同後衞高特立倦勤嘅機會，實行以攻代守。




同費倫相反，熱拿亞近況回勇，上仗主場更以2:1擊敗羅馬，不過今晚作客費倫，3場不敗走勢相信係時候斷纜，事關呢支由馬利辛尼揸旗嘅球隊，對上6次作客法蘭基球場竟然未贏過，只得1和5負，加上仲有前AC中堅卡拿迪斯繼續坐波監，前鋒薛伊度亞度艾美達缺陣，破到蛋已經叫做有交代！