地頭龍列斯聯掃平卡城

猪拉多纳

30/10/2011
文： Yennie

今日係我一位好重要嘅朋友生日，尋晚提早同佢慶祝。我哋去咗一間德國餐廳食豬手，當我哋食晒主菜之後，輪到是夜戲肉，就係品嘗我親手整嘅皇家黑森林蛋糕，餐廳內嘅Live Band亦同時唱起生日歌！希望我位朋友收到我嘅心意！




講番波先，列斯聯同卡迪夫城兩隊都係英冠實力分子，列斯聯依家喺英冠排名第5，高過卡迪夫城4位，佢哋個進攻重心辛迪加斯周中聯賽盃已經復出，提升咗球隊火力。




再者，列斯聯今季聯賽主場表現幾好，近5場有4勝1和。反觀卡迪夫城今季已經連續6場作客波贏唔到，堅尼米拿同基斯泰迪又齊齊因傷缺陣，我梗係撐列斯聯主場破「城」全取3分啦！


Yennie心水：列斯聯（勝）


半隻腳踩咗入o靚模界，但最後決定以學業為重。如今畢業在即捲土重來，希望大家支持。外國波、本地波都係佢「飛佛」。