馬拉加老兵現形弱細迎賓

猪拉多纳

30/10/2011
文： 法比加輝

英超曼城最近威風凜凜，但「西甲曼城」就傷痕纍纍，遭逢3連敗嘅馬拉加周一凌晨返回主場鬥愛斯賓奴，力圖止血。經過季初蜜月期後，馬拉加狀態直線下滑，近3戰場場輸得肉酸，「老人兵」逐步現形。反觀客隊在少帥普捷天奴領軍下，繼續保持高效防守，近3仗全勝兼保持不失，呢場入球細捧得過。




（now 632及660周一清晨5時直播）




加輝認為馬拉加呢支「過氣球星聯合國部隊」認真信唔過，事關大部分主力過晒氣，一碰上稍具活力嘅對手就現晒形，近3場共失9球，最弊係3場零入球，名副其實攻不銳時守不穩。要防守馬拉加的確唔難，皆因隊內較具威脅就只得辛迪卡索拉，另一翼鋒祖亞昆來來去去都係得一招硬爆，但「昆哥」速度已經不復當年，指揮官巴迪斯達又因傷缺陣，加埋艾利素停賽，因此愛斯賓奴作客實在未驚過。


愛斯賓奴防守出色


愛斯賓奴近季不但防守出色，並培訓出一班優秀守將，好似今季回巢嘅迪達韋拿，以及藉大衞雷斯離隊後上位嘅魯爾洛迪古斯，都獲睇好在未來入選西班牙國家隊，故只要愛斯賓奴踢番出正常水準，個人認為今場賽事將會係交投淡靜，首選捧細。