|
|
29/10/2011
文： 阿占
上星期英超睇完曼市打吡，今晚另一齣重頭打吡轉戰倫敦開火，由近期是非多多嘅車路士主場迎戰阿仙奴。論近況，兵工廠個勢可能比車仔好，不過小弟認為車路士整體實力同穩定性都喺阿仙奴之上，最重要係「王子」費蘭度托利斯今晚復出如猛虎出柙，「車仔」1.5倍主勝No Problem！
（有線200、300周六晚7:45直播）
車仔上場慘輸一肚火
車路士上星期意外輸畀昆士柏流浪，好大原因係球證執法問題。不過小弟睇住佢哋9人應戰都差啲追得番，講表現隊波真係無乜問題。隊長泰利雖然惹上種族歧視官非，領隊保亞斯又因為兇球證畀足總檢控，但係車仔班球員經驗豐富，呢啖冤屈氣隨時轉化成爭勝動力！
儘管一向被視為「阿仙奴剋星」嘅杜奧巴今場停賽，不過小弟認為對車仔影響唔大，因為費蘭度托利斯啱啱停完賽復出。「王子」今季狀態其實已經恢復得七七八八，你睇之前喺歐聯上陣已盡顯霸氣啦！佢喺英超餓波咁耐，呢場復出肯定會大爆發，車仔入波能力有增無減。
廠仔後防多傷兵
連埋周中場聯賽盃，阿仙奴近8場波已經贏咗7場，似乎擺脫咗季初嘅頹勢，不過佢哋作客表現依然未夠說服力，講緊咪就係北倫敦打吡輸畀熱刺嗰場囉！而且兵工廠又有大批傷兵，右閘正副選沙格拿同贊堅臣都齊齊缺陣，周中復出嘅中堅華美倫亦未必夠狀態喺今晚搏殺，左閘基蘭基比斯亦繼續養傷，咁多防守球員唔出得，今晚仲要作客史丹福橋，真係好難頂得住呢架戰「車」。
頂占筍盤：車路士（主勝）
橫數千軍
車仔主場全開大
‧英超9場賽事只有1場保住清白身。
‧今季聯賽主場全部開入球大。
廠仔作客8場不勝
‧英超客場跨季8場不勝。
‧尹佩斯對上12場英超作客賽事攻入11球。
有線球彩台主持阿占
電郵：soccer64@cabletv.com.hk PHONE波熱線：1831 678 「超級星期六」開放時間：周六晚9:00至周日凌晨2:30
|
|
金睛卡
发表于 2011-10-29 10:03
变色卡
显身卡