貝迪斯「大」人見人「愛」

猪拉多纳

27/10/2011
文： 亨利比格

西甲快車今晚又有好戲碼，由愛斯賓奴主場恭候貝迪斯。今季重返甲組嘅貝迪斯開季係威係勢，但最近戰績就直插谷底，教練柏比美爾為扭轉劣勢，決定擺大個頭踢433陣式，今戰造訪愛斯賓奴隨時大手交易，一於敲2倍入球大。（開賽時間：周五凌晨2:00）




愛斯賓奴對賽多波入




開季4連勝之後，貝迪斯最近連輸4場，表現已經打回原形。據西班牙《馬卡報》所講，主帥柏比美爾喺賽前操練試新嘢，決定棄用442轉踢433陣式，預計佢老人家會派晒辛達告魯斯、魯賓卡斯度同佐治摩連拿攻堅，戰意鮮明。




貝迪斯為求反彈作客都照踢進攻足球，不過佢哋條防線出名曳，今季喺咁多場西甲嘅最後15分鐘夾埋更加失咗5球，今鋪擺大個頭隨時失更多波。主隊愛斯賓奴聯賽兩連勝，今鋪當然想乘勝追擊，佢哋對上11次主場鬥貝迪斯場場有波入，今晚仲要有攻擊中場查維馬基斯打甩黃牌唔使停賽添，夠晒本錢同貝迪斯互片，入波邊會少吖！