萊切遇傻豹旺開大

猪拉多纳

27/10/2011
文： 巨高

意甲周中快車獨腳戲由巴勒莫主場對萊切，萊切係正牌意甲升降機，全因佢哋「有前冇後，打死罷就」嘅特色，同「防守先行」嘅傳統意甲球隊踢法好唔同，上仗對ＡＣ米蘭就喺領先三球下仍然被對手反勝，充分證明佢哋後防幾咁曳，今場對主場必定搶攻嘅「傻豹」巴勒莫，一定多波入，最好揀大。




（周五凌晨2時45分開賽）




萊切甚具娛樂性嘅踢法，極受球迷歡迎，可惜對成績冇幫助，查實佢哋雖然鍾意攻，但又唔代表成日贏到波，今季只係贏過一場，全因球隊後防不穩，上仗主場對住ＡＣ米蘭，半場領先三粒，但最後都要輸番3比4，班波去到尾段體力嚴重不足，對住「老人院」ＡＣ都係咁，巴勒莫平均年齡更加後生，相信萊切尾段輸得更嚴重。


巴勒莫要搶攻求勝


「傻豹」季初表現不俗，但啱啱輸完畀羅馬及ＡＣ米蘭，球隊極渴望撥亂反正，憑主場取回一場勝仗，今仗必狂攻萊切。事實上，兩軍對賽都好多波入，近三次聯賽碰頭全部開大，總入球仲要喺四球或以上，今仗一於揀大。