AC返正軌「主勝」有計

猪拉多纳

26/10/2011
文： 安高

AC米蘭射手卡斯辛奴同伊巴謙莫域向來都係帕爾馬剋星，兩個夾埋歷來15次攻破對手大門，有佢哋孭飛領軍，今晚返聖西路主場要炒起帕爾馬話咁易啦，安高捧1.93倍「讓球主勝」。（now633台周四凌晨2:45直播）


帕爾馬對賽被食住


季初表現令人失望嘅AC，近排總算重返正軌，近6戰贏咗5場，上仗半場落後萊切3球，最後反勝4:3，對士氣肯定大有幫助。賽前有消息指，除咗前鋒柏圖、守將堤亞高施華同加度素等繼續缺陣，隊長岩布仙尼或會被貶後備，改由上仗後備上陣連中三元嘅奇雲保定（圖）擔正，安高認為呢個調動會大大提升中場活力。




況且，2大射手卡斯辛奴同伊巴謙莫域素來剋住帕爾馬，前者入過7粒，伊巴謙就入過8球。睇番帕爾馬，今仗話就話強陣出擊，連基斯普都傷愈可以做後備，衰在近14次對AC只係贏過1次，近8次對賽又只係入得2球，擺明畀人格食格。